O theremin

Esta semana estivemos a repasar a clasificación dos instrumentos e atopámonos cun instrumento novo que incluímos dentro da categoría dos electrófonos:  O theremin.

Poderíamos definir o theremin como o único instrumento musical  que se toca sen tocalo.

Léon Theremin (1896-1993) foi un inventor ruso famoso pola invención deste instrumento, un dos primeiros instrumentos musicais electrónicos. A súa experiencia co violonchelo fíxolle querer inventar un instrumento de similar rexistro pero suprimindo a necesidade de fretar o arco contra as cordas ou desprazar os dedos polo mastro.

O seu son úsase  xeralmente vinculado ó sobrenatural, ó descoñecido ó misterioso. A asociación entre o theremin e as películas de ciencia ficción deuse a partir do uso do instrumento feito por Bernard Hermann na película “Ultimatum á Terra” (The day the Earth Stood Still”).

Grupos como  os Rolling Stones, os Beach Boys,  la Oreja de Van Gogh, Led Zeppelin (Whole lotta love), Marilyn Manson, Pink Floyd, as Spice Girls, Jena Michael  Jarre (Oxygene 10) usaron o citado instrumento.